حكايتنا

إحنا بن راكان. بنحمّص بن تركي وبن بنكهات في القاهرة، وبنطحن كل طلب بعد ما يوصلنا، مش قبل كده.

ليه بنطحن بعد الطلب

البن المطحون بيفقد ريحته بسرعة. لما يستنى شهور في كيس على رف، اللي بيوصلك في الفنجان مش هو اللي كان في الحبة. عشان كده إحنا مش بنخزّن بن مطحون: بنحمّص ونطحن على طلبك، وبنبعته في يومه. الفرق بتحسّه من أول فنجان.

التوليفات

عندنا ثلاث توليفات تركي، كل واحدة لمزاج مختلف. لوكس مرارتها خفيفة وحلاوتها عالية، فنجان ناعم يصحّيك على مهله. سوبر مرارة وسط وحلاوة عالية، التوازن اللي يمشي مع كل الأوقات. ريتش مرارة واضحة وحلاوة وسط، للي بيحب بنه تقيل وجامد. وكل واحدة بتختار درجة تحميصها وتحويجها بنفسك.

وللي بيحب يغيّر

عندنا بن بنكهات: بندق، وشيكولاتة، وفرنساوي، وبندق بقطع البندق الحقيقي. ولو بتدوّر على حاجة سريعة، التلقيمات علبة فيها ١٢ ظرف، كل ظرف لفنجان واحد مظبوط.

ولو عايز توليفتك بالظبط

من صفحة "اصنع توليفتك" تقدر تركّب خلطتك بنفسك بالجرام من إحدى عشر أصل بن مختلف، من الأندونيسي للحبشي لليمني، وتختار التحميص والتحويج. السعر بيتحسب معاك وأنت بتظبّط. وبنجهّزها ليك مخصوص.

الدفع والتوصيل

بنوصل لكل محافظات مصر في ٢ لـ ٥ أيام عمل، والدفع فيزا أو كاش عند الاستلام. عندك سؤال قبل ما تطلب؟ كلّمنا على واتساب.

بن راكان. اصحي فووق.